Një tjetër vaksinë i shtohet numrit të atyre të aprovuar nga Agjencia Evropiane e Barnave (EMA). Vaksina e prodhuar në SHBA është e katërta që merr miratimin për përdorim nga Agjencia Evropiane e Barnave. Bashkimi Europian ka porositur 400 milionë doza.
Bashkimi Evropian dhe Agjencia Evropiane e Barnave (EMA) i dhanë dritën jeshile vaksinës Johnson & Johnson COVID-19.
Vaksina J&J është e katërta që merr miratimin për përdorim. Vaksina J&J i bashkohet vaksinës gjermano-amerikane BioNTech-Pfizer, vaksinës Britaniko-Suedeze AstraZeneca dhe vaksinës Moderna prodhuar në SHBA – të gjitha të aprovuara nga EMA.
Ursula von der Leyen, presidentja e Komisionit Evropian, deklaron se vaksina “të sigurta dhe efektive” po dalin në treg.
Në një deklaratë për shtyp, EMA pohon se të dhënat për vaksinën J&J janë “të forta” dhe “plotësojnë kriteret për efikasitetin, sigurinë dhe cilësinë”.
Drejtori Ekzekutiv i EMA-s, Emer Cooke, deklaroi:
- Autoritetet në të gjithë Bashkimin Evropian do të kenë një mundësi më shumë për të luftuar pandeminë dhe për të mbrojtur jetën dhe shëndetin e qytetarëve të tyre. Kjo është vaksina e parë që mund të përdoret si një dozë e vetme.
Vaksina J&J u zhvillua nga Janssen Pharmaceuticals, e cila është në pronësi të J&J dhe me qendër në Belgjikë. Bashkimi Europian tashmë ka siguruar 400 milionë doza të vaksinës, të cilat ishin nën rishikimin e EMA-s që nga dhjetori 2020.
Vaksina Janssen është njohur në SHBA, nga “U.S. Food and Drug Administration” (FDA) që në shkurt të këtij viti, me përshkrimin “për përdorim emergjent” (sipas faqes së kompanisë, të gjitha vaksinat kundër Covid 19 janë të formës të emergjencës); përdoret për të gjithë personat mbi moshën 18 vjeç, ka efektivitet 85%, kërkon 28 ditë për krijimin e antitrupave; bëhet me injeksion.
Pranë EMAs-s, janë në proces shqyrtimi edhe disa lloje të tjera vaksinash, përfshirë vaksinën ruse Sputnik V, por asnjë kineze.
